मुम्बई – बलिउड एक्सन स्टार टाइगर श्राफको फिल्म ‘बागी ३’ ले शुक्रवारदेखि रिलिज भएको छ । यो फिल्मले नेपालमा पनि उत्साह जगाएको थियो ।

अहमद खानले निर्देशन गरेको यो फिल्मको लामो समयदेखि चर्चा थियो । फिल्मको एक्सन प्याक दर्शकले रुचाएका छन् ।

यो फिल्म यस वर्षको सबैभन्दा धेरै ओपनिङ गर्ने फिल्म बनेको छ । बलिउड एनालिस्ट तरण आदर्शका अनुसार फिल्मले पहिलो दिन १७ करोड ५० लाख कमाइ गरेको छ ।

कोरोना भाइरस र होलीको माहोलका बाबजूद पनि फिल्म हेर्न हलसम्म दर्शक ओइरिएका छन् ।

फिल्मले मल्टिप्लेक्सका तुलनामा सिङ्गल स्किृनमा धेरै कमाइ गरेको छ । यो फिल्म टाइगरका फिल्ममध्ये सबैभन्दा धेरै ओपनिङ गर्ने दोस्रो फिल्म बनेको छ ।

यसअघि टाइगर र ऋतिक रोशनको फिल्म ‘वार’ ले एकैदिन ५३ करोड ३५ लाख कमाइ गरेको थियो । यस्तै बागी २ ले पहिलो दिन २५ करोड १० लाख रुपैयाँ कमाइ गरेको थियो ।

बागी सिरिजको कुरा गर्नुपर्दा चाहिँ यो बागी २ ले सबैभन्दा धेरै कमाइ गरेको थियो । श्रद्धा कपूरको पनि अभिनय रहेको बागी ३ ले पनि आक्रामक कमाइ गर्ने अनुमान गरिएको छ ।

यो फिल्म भारतमा मात्र ४४ सय पर्दामा रिलिज भएको थियो भने विदेशमा ११ सय पर्दामा रिलिज गरिएको थियो ।