काठमाडौं– प्रधानमन्त्री केपी शर्मा ओलीले दक्षिण एसियाली क्षेत्रीय सहयोग संगठन (सार्क) यस क्षेत्रका जनताको साझा पहिचान भएको बताएका छन् ।
काठमाडौंमा रहेको सार्क सचिवालयको भ्रमण गर्दै ओलीले १९औं शिखर सम्मेलन चाँडो आयोजना हुने विश्वास व्यक्त गरे ।
सार्कको अध्यक्षता पाकिस्तानलाई हस्तान्तरण गर्न आफू आतुर रहेको उल्लेख गर्दै उनले १९औं सम्मेलनका लागि सबै सदस्य राष्ट्रहरुबीच सहमति जुट्ने विश्वास जनाए ।
सार्कका अध्यक्षसमेत रहेका प्रधानमन्त्री ओलीले सार्कका सिद्धान्त र उद्देश्यप्रति सार्क राष्ट्रका प्रमुखहरुले प्रतिवद्धता जनाएको उल्लेख गरे ।
त्यस क्रममा प्रधानमन्त्री ओलीले सार्क सचिवालय परिसर ठमेलमा रूद्राक्षको विरूवा रोपेका थिए ।
प्रतिक्रिया