काठमाडौं– प्रमुख प्रतिपक्षी दल नेपाल कांग्रेसको अवरोधका कारण प्रतिनिधि सभाको बैठक आधा घण्टाका लागि स्थगित गरिएको छ ।
शुक्रबार दिउँसो १ः२० बजेतिर शुरु भएको बैठक कांग्रेसका सांसदको अवरोध पछि सभामुख अग्नि सापकोटाले बैठक आधा घण्टाका लागि स्थगित गरेका हुन् ।
बालुवाटारको ललिता निवास जग्गा प्रकरणमा अख्तियारले दायर गरेको भ्रष्टाचार मुद्दामा आफ्ना नेता विजयकुमार गच्छदारलाई प्रतिवादी बनाइएको विरोधमा कांग्रेसले सदन अवरोध गर्दै आएको छ ।
गच्छदारलाई प्रतिवादी बनाइएको विरोधमा कांग्रेसले बिहीबार पनि संसद बैठक अवरुद्ध पारेको थियो ।
बिहीबार कांग्रेसको अवरोधका कारण स्थगित भएको बैठक शुक्रबार दिउँसो १ बजेका लागि बोलाइएको थियो ।
प्रतिक्रिया