काठमाडौं- नेपाल प्रहरीका डिआइजी डा. राजीव सुब्बाले राजीनामा दिएका छन्। उनले शुक्रबार प्रहरी प्रधान कार्यालयलाई राजीनामा पत्र बुझाएका हुन्।
सुब्बाले २०५२ भदौमा प्रहरी निरीक्षकबाट सेवा थालेका थिए । पछिल्लो समय उनी प्रहरीको सञ्चार निर्देशनालय प्रमुख थिए । डीआईजीका रुपमा उनको अझै एक वर्ष सेवा अवधि बाँकी थियो ।
आफूभन्दा जुनियर अधिकारी आइजी, एआइजी हुँदा पनि प्राविधिकतर्फ एआइजीको दरबन्दी नबनाएको भन्दै उनले असन्तुष्ट व्यक्त गर्दै आएका थिए।
हस्पिटलमा उनीभन्दा जुनियर आशा सिंह एआइजी भएकी छन्। उनको राजीनामा भने गृहमन्त्रालयले स्वीकृत गरेको छैन ।
प्रतिक्रिया