काठमाडौं- नेपाल गल्फ संघले १३ औं दक्षिण एसियाली खेलकुद (साग) का पदक विजेता खेलाडीलाई सम्मान गरेको छ।

राजधानीमा कार्यक्रम आयोजना गरी संघले खेलाडीलाई सम्मान गरेको हो। सागमा गल्फमा नेपालले दुई स्वर्ण र दुई कास्य पदक जीतेको थियो।

पुरुष टिम इभेन्ट्समा सुवास तामाङसहितको टोलीले स्वर्ण जितेको थियो भने व्यक्तिगत विधामा पनि सुवास तामाङले स्वर्ण पदक जितेका थिए। जुन नेपाल गल्फ इतिहासमा पहिलो स्वर्ण पदक हो।

स्वर्ण जित्ने खेलाडी शुक्र बहादुर राई, निरज तामाङ, सुवास र टंक बहादुर कार्की रहेका थिए । व्यक्तिगत तर्फ सुवासले पहिलोपटक स्वर्ण जितेका हुन् ।

शुक्र बहादुर राईले व्यक्तिगत तर्फ एक कास्य पदक जितेका थिए। महिलातर्फ कास्य जित्ने टिममा कस्मिरा शाह, रविना श्रेष्ठ र सुस्मा कोइराला थिए ।