काठमाडौं – अमेरिकाको न्युयोर्कमा कोरोना भाइरसले एकै दिन चार जना नेपालीको मृत्यु भएको छ ।
शनिबार अरू चार मृत्यु भएको हो । यसरी मृत्यु हुनेमा ४० वर्षीय सोनाम लामा, ४८ वर्षीय थोक्मे बिष्ट, निमा टेम्बा शेर्पा र अजयमान छोचु रहनुभएको छ ।
सबै न्युयोर्कमा बस्दै आएका थिए । यसअघि ५० वर्षीय अनिल लिम्बूको मृत्यु भएको थियो । योसँगै अमेरिकामा कोरोनाले ज्यान गुमाउने नेपालीको संख्या ५ पुगेको छ ।
मृतकका परिवार र स्थानीय सङ्घसंस्थाका प्रतिनिधिसँग समन्वय गरेर अन्तिम संस्कार गरिने मेरिल्यान्ड राज्यसभाका विधायक ह्यारी भण्डारीले जानकारी दिएका छन् ।
प्रतिक्रिया