दोहा : बिदामा रहेका नेपाली कामदार ओमान फर्किँदा नो अब्जेक्सन लेटर (एनओसी) आवश्यक नपर्ने भएको छ ।
यसअघि बिदामा नेपालमा रहेका श्रमिकलाई ओमान प्रवेश गर्न एनओसी अनिवार्य गरे पनि अब भने नचाहिने जानकारी गराएको ओमानस्थित नेपाली दूतावासले जनाएको छ ।
दूतावासका अनुसार ओमान सरकारको पछिल्लो निर्णय अनुसार अब एनओसी लिनु नपर्ने व्यवस्था गरिएको जनाएको हो । बिदामा आएकाहरु अब ६ महिनाभन्दा बढी अबधि भए पनि एनओसी बिनै जान पाउनेछन् ।
अक्टोवर १ देखि ओमानको अन्तराष्ट्रिय विमानस्थल खुलेको र पीसीआर लगायत स्वास्थ्य सम्बन्धी आवश्यक प्रोटोकल पुरा गरी नेपालबाट ओमान तथा ओमानबाट स्वदेश सहजरूपमा फर्किन सकिने दूतावासले जनाएको छ ।
प्रतिक्रिया