भारतीय विदेश मन्त्रालयले नयाँ पाकिस्तानी नक्साबारे प्रतिक्रिया जनाउँदै  ‘हास्यास्पद राजनीतिक अभ्यास’ भन्दै गुजरात तथा जम्मू, कश्मीर र लद्दाखका भूभागमाथि अमान्य दाबी गरिएको र ती दाबीको न त कानुनी वैधता न त अन्तर्राष्ट्रिय विश्वसनीयता नै रहेको जनाएको हो ।

भारतीय विदेश मन्त्रालयले पाकिस्तानी प्रधानमन्त्रीको यस कदमलाई आधारहीन दाबी भन्दै राजनीतिक मुर्खताकाबीच उठाइएको कदमको संज्ञा दिएको छ ।

पाकिस्तानले जारी गरेको नयाँ राजनीतिक नक्शामा गुजरात र जम्मू-कश्मीर र लद्दाख क्षेत्र समेटिएको छ ।

नयाँ नक्शाबारे पाकिस्तानी प्रधानमन्त्री इमरान खानले भनेका छन्, ‘पाकिस्तानको नयाँ राजनीतिक नक्शाले पाकिस्तान जनताको उमंगको प्रतिनिधित्व गर्छ । पाकिस्तान र कश्मीर बासिन्दाहरुको सैद्धान्तिक विचारधाराको समर्थन गर्छ ।’

उनले अब पाकिस्तानका स्कूल, कलेज र सबै सरकारी कार्यालयमा नयाँ आधिकारिक नक्सा प्रयोगमा ल्याइने जनाएका छन् ।