दोहा – कोरोना भाइरसको महामारी लगायतका अन्य कारणले कतारमा अप्ठ्यारोमा परेका २९९ जना नेपाली स्वदेश फर्किएका छन् ।

नेपाली दूतावासको समन्वय र नेपाल सरकारको सहजीकरणमा कतारबाट २९९  जना नेपाली स्वदेश फर्किएका हुन् ।

दोहाबाट काठमाडौँको लागि उडेको नेपाल एयरलाइन्सको २३९२ उडानमा ४ महिलासहित १५० जना तथा हिमालय एयरलाइन्सको ९५६३२ उडानमा ११ महिलासहित १४९ जना नेपाली रहेको कतारस्थित नेपाली दूतावासका द्वितीय सचिव प्रविण भट्टराईले जानकारी दिएका छन् ।

स्वदेश फर्कन लागेहरुको यात्रा सहजिकरणका तथा बिदाई गर्न नेपाली दूतावासका द्वितीय सचिव प्रबीण भट्टराई लगायत नेपाली समुदायका प्रतिनिधिहरुको हमाद अन्तर्राष्ट्रिय विमानस्थल पुगेका थिए ।

अर्को उडान आजै साँझ नेपाल एयरलाइन्सले गर्नेछ । हिमालय एयरलाइन्सले भने अगष्ट ५ का लागि उडान गर्ने तय भएको  दूतावासले जनाएको छ ।