काठमाडौं – अमेरिकी राष्ट्रपति डोनाल्ड ट्रम्पले हिंसालाई बढावा दिने भिडियो पोष्ट गर्दा पनि नहटाएको भन्दै फेसबुककै कर्मचारीले कम्पनीका प्रमुख मार्क जुकर्वर्गको आलोचना गरेका छन् ।

हिंसालाई बढवा दिने पोष्टहररु हटाउने र पटक/पटक त्यस्तो भएको पाइए प्रयोगकर्ताको एकाउन्ट नै बन्द गर्ने कम्पनीको नीति राष्ट्रपति ट्रम्पको हकमा भने कार्यान्वयन नभएको भन्दै कर्मचारीहरूले जुकर्वर्गको आलोचना गरेका हुन् ।

ट्रम्पले अमेरिकाका विभिन्न शहरमा लुटपाट हुँदै गरेका भिडियो पोस्ट गरेपछि फेसबुकसंगको सम्झौता उल्लंघन भएको भन्दै फेसबुकका कर्मचारीले विरोध जनाएका थिए ।

टाउनहलमा बसेको कम्पनीको बैठकमा रियल–टाइम फिडब्याक प्रयोग गरेर हिंसा आब्हान गर्ने वा भौतिक वस्तुमा हानी पुर्‍याउने खालका सामग्रीहरू फेसबुकबाट हटाइने आफ्नो पूर्बप्रतिवद्धता सम्झाइ दिएपछि जुकरवर्गले कर्मचारीहरुलाई सम्झाई बुझाई गरेका थिए ।

सामाजिक सञ्जाल फेसबुकले हिंसालाई बढवा दिने फोटो तथा भिडियो पोष्ट भए तत्कालै तिनलाई हटाउने र आवश्यक ठाने सम्बन्धित प्रयोगकर्ताको एकाउन्ट नै बन्द गर्नेसम्मको नीति लिदै आएको छ ।