नेपालगञ्ज- बाँकेको नेपालगञ्ज उपमहानगरपालिका वडा नम्बर ७ का १ जना र ८ का १५ जना गरी १६ जनामा कोरोना संक्रमण पुष्टि भएपछि नगरका सबै वडाले आज विहानैदेखि आउजाउ कडा गरेका छन् ।

एक वडाबाट अर्को वडामा अत्यावश्क काम बाहेक मानिसहरुको आवतजावत पूर्णरुपमा रोकेको वडा नम्बर १२ का वडा अध्यक्ष बुद्धिसागर सुवेदीले बताए । 

त्यस्तै खजुरा गाउँपालिका चारै दिशाबाट शिल गरिएको छ । पूर्वमा नेपालगञ्जबाट जाने नाका कपास विकास समिति अगाडिको पुल, पश्चिममा मानखोला, उत्तरमा बैजनाथबाट जाने बाटो र दक्षिणमा भारतीय नाका सबै शिल गरिएको खजुरा गाउँपालिकाका अध्यक्ष किष्मत कुमार कक्षपतिले जानकारी दिए । 

कोहलपुर नगरपालिकाले पनि नेपालगञ्जसंग जोडिएको दक्षिणी सीमा शिल गरेको छ ।