काठमाडौं – नेपाली युवा दिवेश पोखरेल अमेरिकन आइडलमा उत्कृष्ट १० मा पुग्न सफल भएका छन् । २१ वर्षीय दिवेशले १८ औं संस्करणको अमेरिकन आइडलमा सहभागिता जनाएका छन् ।
आर्थर गनका नामले चिनिएका दिवेशले आफू उत्कृष्ट १० मा परेको सामाजिक सञ्जालमार्फत जनाएका छन् । साथै उनले भोट गर्नका लागि अनुरोध समेत गरेका छन् ।
‘हामी शीर्ष १० मा पुग्यौं, शुरुदेखि नै समर्थन गरिदिनु भएकोमा सबैलाई धन्यवाद, विश्वभरिबाट पाएको यो विशाल समर्थनको म कदर गर्छु,’ उनले ट्वीट गरेका छन्, ‘यसलाई व्यक्त गर्न शब्दहरुले न्याय गर्दैनन्, धन्यवाद ।’
५ वर्षअघि अमेरिका गएका दिवेशले नेपाली गीतमा समेत स्वर दिएका छन् । अमेरिकन आइडलमा सहभागिता जनाएपछि भने उनको चर्चा चुलिएको हो ।
प्रतिक्रिया