काठमाडौं– काठमाडौंका सडकमा गुड्ने बसमा पनि अब ज्वरो जाँचेर मात्र चढ्न पाइने भएको छ । काठमाडौंको चक्रपथमा विद्युतीय बस सेवा सञ्चालन गर्दै आएको सुन्दर यातायात कम्पनीले यस्तो व्यवस्था गरेको हो ।
कोरोनाको संक्रमणलाई ध्यानमा राख्दै यस्तो गरिएको उक्त कम्पनीले जनाएको छ । ज्वरो जाँच गर्नका लागि बसमा स्वास्थ्यसम्बन्धी विषय अध्ययन गरेका दुई जनालाई मास्क एप्रोन लगायतका सामानसहित खटाइने छ ।
उक्त कम्पनीले सञ्चालन गर्ने गाडी उत्पादक कम्पनीले यात्रुको ज्वरो जाँच गर्नका लागि इन्फ्रारेड थर्मोमिटर पठाएकाले सोही थर्मोमिटरमार्फत् यात्रुको ज्वरो जाँच गरिएको बस सेवा प्रदायक कम्पनीले जनाएको छ ।
यो सेवा बिहीबारबाट शुरु गरिने छ ।
प्रतिक्रिया