काठमाडौं – दक्षिण एसियाली क्षेत्रीय सहयोग संगठन सार्कका १४ औं महासचिवमा श्रीलंकाका इसाला विराकुन नियुक्त भएका छन् । उनले २०२० मार्च १ बाट कार्यभार सम्हालेका हुन् ।

नवनियुक्त सार्क महासचिव विराकुनले तीनवर्ष कार्यकाल सम्हाल्नेछन् । विराकुन भारतका लागि श्रीलंकाली राजदूत भइसकेका कूटनीतिज्ञ हुन् । उनको नाम विदेशमन्त्री स्तरीय बैठकले गत सेप्टेम्बरमा न्यूयोर्कमा अनुमोदन गरेको थियो ।

सार्कको महासचिवमा नियुक्त हुनुअघि उनी श्रीलङ्काली राष्ट्रपतिका वरिष्ठ अतिरिक्त सचिव रहेका थिए। श्रीलङ्काको परराष्ट्र सेवामा ३२ वर्ष बिताएका महासचिव विराकुनले त्यहाँको परराष्ट्र र पर्यटन विकास मन्त्रालयको सचिवको जिम्मेवारी पूरा गरेका थिए ।

सार्कका वर्तमान महासचिव पाकिस्तानका अम्जद वि हुसेन सियाल सार्क शिखर सम्मेलन नै नगरी बिदाइ भएका छन् । उनी यसै साता पाकिस्तान फर्कंदैछन् ।