काठमाडौं– प्रधानमन्त्री केपी शर्मा ओलीको मिर्गौला प्रत्यारोपण गर्न अपरेसन थिएटर लगिएको छ ।

प्रधानमन्त्रीको स्वास्थ्य अवस्था बुझ्न अस्पताल पुगेकी भूमि व्यवस्था तथा गरीबी निवारण मन्त्री पद्मा अर्यालले प्रधानमन्त्रीलाई भेटेपनि नबोलेको तर बिदाईको संकेत गरेको बताइन् ।

उनले भनिन्, ‘प्रधानमन्त्रीलाई १० बजेको समयमा अप्रेसन कक्ष लगियो । उहाँलाई सुताएर अपरेसन थिएटर लगियो । उहाँले बिदाईको संकेत गर्नुभयो । तर, बोल्नुभएन ।’

प्रधानमन्त्री ओलीले स्वदेशमै मिर्गौला प्रत्यारोपण गरेर देश र जनतासमक्ष राम्रो सन्देश दिएको बताइन् ।

उनले भनिन्, ‘अब नेपालमै पनि ठूला रोगको उपचार सम्भव छ भन्ने सन्देश प्रधानमन्त्रीले दिनुभएको छ । यसले जनतामा उत्साह छाएको छ । चिकित्सकहरुको पनि मनोबल बढेको छ ।’