काठमाडौं- यस सिजनलाई सफल पार्ने हो भने म्यान्चेस्टर सिटीले च्याम्पियन्स लिग उपाधि जित्नु पर्ने इङ्ग्ल्यान्डका पूर्व स्टाइकर इआन राइटले बताएका छन् ।

इङ्ग्लीस प्रिमियर लिगमा शीर्ष स्थानको लिभरपुलभन्दा २२ अंके पछि परेको सिटीका लागि यो सिजन सफल पार्न च्याम्पियन्स लिग जित्नु पर्ने राइटले बताएका छन् ।

प्रिमियर लिगमा मात्रै १३ खेल बाँकी रहँदा शीर्ष दुई टोलीबीच फराकिलो अन्तर रहँदा उनले यस्तो भनेका हुन् ।

च्याम्पियन्स लिगको अन्तिम १६ मा पुगिसकेको सिटीले फेब्रुअरी २६ मा रियल मड्रिडसँग पहिलो लेग खेल्दैछ ।

‘यदि सिटीले च्याम्पिउन्स लिग उपाधि जित्न सकेन भने यो सिजन राम्रो भएन मान्नुहोस् । तर, यदि च्याम्पिय लिग जित्न सके यो सिजन ‘ग्रेट’ हुनेछ,’ राइटले बीबीसीसँग भने ।

राइटले सिटीका प्रशिक्षक पेप ग्वार्डिओलाले बार्सिलोनामा रहँदा २ पटक च्याम्पियन्सलिग जितेको बताउँदै उनले सिटीलाई पनि जिताउन सक्ने बताएका छन् ।

त्यसोत, ग्वार्डिओला आफैले पनि च्याम्पियन्स लिग जित्न नसके आफु असफल हुने बताइसकेका छन् ।

सिटीले अघिल्लो सिजनको प्रिमियर लिगको उपाधि उचालेको थियो ।