काठमाडौं– विश्वव्यापी महामारीको रुपमा फैलिएको कोरोना भाइरसको संक्रमण अष्ट्रेलियामा केही दिन यता घट्दोक्रममा देखिएको छ ।
आइतबार बिहान समाचार तयार पार्दासम्म अष्ट्रेलियामा ज्यान गुमाउनेको संख्या ५९६ पुगेको छ । अष्ट्रेलियामा एकैदिन थप ७ जनाले ज्यान गुमाएसँगै मृत्यु हुनेको संख्या ५९६ पुगेको हो ।
अष्ट्रेलियामा एकैदिन २७ जनामा कोरोनाको संक्रमण देखिएसँगै संक्रमित हुनेको संख्या १५ हजार ५५८ पुगेको छ ।
अष्ट्रेलियामा संक्रमितमध्ये १३ हजार १८० जना उपचारपछि निको भएका छन् ।
११४ जनाको अवस्था गम्भीर रहेको जनाइएको छ । चीनको वुहानबाट शुरु भएको कोरोना संक्रमणको दर यूरोपियन मुलुक हुँदै पछिल्लो समय अमेरिकामा तीव्र देखिएको छ ।
प्रतिक्रिया