दाङ- प्रहरीले एक लाख भन्दा बढी रकमसहित दाङमा सात जना जुवाडेलाई पक्राउ गरेको छ।

दाङका प्रहरी प्रवक्ता डिएसपी सुमित खड्काले १ लाख १६ हजार ५०० रकमसहित उनीहरुलाई पक्राउ गरिएको जानकारी दिएका छन् ।

पक्राउ पर्नेमा शान्तिनगर गाउँपालिका वडा नं. ३ महादेव चौतारी निवासी ४० वर्षीय शुकबहादुर बुढा, ३८ वर्षीय भीमबहादुर कँडेल, २६ वर्षीय मिनबहादुर घिमिरे ,४६ वर्षीय चेतानन्द बस्नेत, ३२ वर्षीय वसन्त थापा, ३० वर्षीय यमबहादुर केसी र तुलसीपुर उपमहानगरपालिका वडा नं. ८ निवासी ३८ वर्षीय प्रेम विक पक्राउ परेका छन्।

बुढाको घरमा जुवा खेलिरहेको गोप्य सूचनाको आधारमा जिल्ला प्रहरी कार्यालय घोराही र ईलाका प्रहरी कार्यालय तुलसीपुरबाट खटिएको संयुक्त प्रहरीको टोलीले उनीहरुलाई पक्राउ गरेको प्रवक्ता खड्काले बताए।

पक्राउ परेका सबैजना विरुद्ध अनुसन्धान भइरहेको पनि प्रहरीले जानकारी दिएको छ ।