काठमाडौं– पूर्वप्रधानमन्त्रीहरु मध्ये डा. बाबुराम भट्टराई सामाजिक सञ्जालमा सबैभन्दा बढी सक्रिय हुने नेतामा पर्छन् ।

राजनीतिकदेखि व्यक्तिगत जीवनमा सामान्यदेखि महत्वपूर्ण घटनाहरु सामाजिक सञ्जालमा सार्वजनिक गर्नेमा डा. भट्टराई अग्र स्थानमै आउँछन् ।

विभिन्न नेताहरुसँग भएका औपचारिक/अनौपचारिक भेटदेखि भोज–भतेर जाँदाका फोटोहरु पनि डा. भट्टराईले सामाजिक सञ्जालमार्फत सार्वजनिक गर्ने गर्छन् ।

डा. भट्टराईले मंगलबार भने आफ्नो नभइ आफ्नो कुकुरको फोटो फेसबूकमा सार्वजनिक गरेका छन् ।

डा. भट्टराईले सार्वजनिक गरेका तस्वीरहरुमा कुकुरका विभिन्न क्रियाकलाप (भट्टराईकै शब्दमा योगाशनहरु) देख्न सकिन्छ ।

आफ्नो ४ महिने कुकुर ‘पेद्रो’ तस्वीरहरु सार्वजनिक गर्दै भट्टराईले फेसबूकमा लेखेका छन्– ‘चार महिने चुलबुले हाम्रो पेद्रोका विभिन्न योगाशनहरु ! बाबा रामेदेवलाई पनि कुकुराशन/पेद्राशन इत्यादि सिकाउँछ कि क्या हो !