काठमाडौं– जल तथा मौसम पूर्वानुमान महाशाखाले पश्चिमी न्यून चापीय वायूको प्रभाव स्वरुप आज मुलुकभर वर्षा भएको जनाएको छ ।

महाशाखाले शनिबार पनि हिमपात र वर्षाको सम्भावना रहेको पूर्वानुमान गर्दै आइतबारबाट मौसममा सुधार आउने जनाएको छ ।

मौसम बदलीसँगै हल्कादेखि मध्यम वर्षा र मध्यमदेखि भारी हिमपातको सम्भावना रहेका कारण चिसो बढ्ने हुनाले सतर्कता अपनाउन महाशाखाले अनुरोध समेत गरेको छ ।

अहिले देशको पश्चिमी भू–भागमा आंशिकदेखि सामान्य बदली हुनुका साथै मध्य तथा पूर्वी भू–भागमा सामान्य बदली रहेको छ ।

‘भोलि (शनिबार) आजजस्तो पूर्णबदली भने नहुने हल्का वर्षाको सम्भावना रहेको छ । आइतबार दिउँसोदेखिमात्रै मौसम पूर्णरुपमा खुल्ने महाशाखाले जनाएको छ ।

यस्तो छ मौसमको पूर्वानुमान

शुक्रबार राति देशको पश्चिमी भू–भागमा आंशिकदेखि सामान्य बदली हुने जल तथा मौसम विज्ञान विभाग, मौसम पूर्वानुमान महाशाखाले जनाएको छ ।

यस्तै, शुक्रबार राति मध्य तथा पूर्वी भू–भागमा सामान्य बदली रही उच्च पहाडी तथा हिमाली भू–भागमा मध्यमदेखि भारी हिमपातको सम्भावना रहेको जनाइएको छ ।

शनिबार

शनिबार दिउँसो देशभर आंशिकदेखि सामान्य बदली रहने महाशाखाले शुक्रबार साँझ जारी गरेको बुलेटिनमा उल्लेख छ ।

यस्तै, शनिबार दिउँसो उच्च पहाडी तथा हिमाली भू–भागमा हल्कादेखि मध्यम हिमपात र देशका थोरै स्थानहरुमा हल्का वर्षाको सम्भावना रहेको छ ।

शनिबार राति देशभर आंशिकदेखि सामान्य बदली रही उच्च पहाडी तथा हिमाली भू–भागका थोरै स्थानहरुमा हल्का हिमपात र पहाडका थोरै स्थानहरुमा हल्का वर्षाको सम्भावना रहेको जनाइएको छ ।

आइतबार

आइतबार दिउँसो देशको मध्य तथा पूर्वी भू–भागमा आंशिकदेखि सामान्य बदली रहनेछ । पश्चिमी भू–भागमा आंशिक बदली रहनेछ ।

यस्तै, आइतबार दिउँसो देशको मध्य र पूर्वी उच्च पहाडी तथा हिमाली भू–भागका थोरै स्थानहरुमा हल्का हिमपातको सम्भावना रहेको छ ।

मध्य तथा पूर्वी पहाडका एकरदुई स्थानमा हल्का वर्षाको सम्भावना रहेको महाशाखाले जनाएको छ ।

आइतबार राति देशको पश्चिमी तथा मध्यपहाडी भू–भागमा आंशिक बदली रहने सम्भावना छ । बाँकी भू–भागमा मौसम सामान्यतया सफा रहने जनाइएको छ ।

काठमाडौंमा ३.८ मिलिमिटर वर्षा

महाशाखाको तथ्यांकअनुसार पछिल्लो २४ घन्टामा काठमाडौंमा ३.८ मिलिमिटर वर्षा भएको छ । यो बिहीबार बेलुका पौने ६ बजेदेखि शुक्रबार बेलुका पौने ६ बजेसम्मको तथ्यांक हो । सवैभन्दा धेरै वर्षा सुदूपश्चिमको दिपायलमा ६२.३ मिलिमिटर वर्षा भएको छ ।

कुन ठाउँमा कति वर्षा  ?