काठमाडौं – ब्रिटिस गोर्खा आर्मीको साहसिक यात्रालाई फिल्ममा देख्न पाइने भएको छ । मिलन चाम्सले ‘गोर्खा वारियर’ नामक फिल्मबाट ब्रिटिस लाहुरेको कथा प्रस्तुत गर्ने भएका छन् ।

मिलन चाम्सले निर्देशन गर्ने यो फिल्ममा रितेस चाम्सले शीर्ष भूमिका निभाउने जनाइएको छ । रितेशका लागि यो डेब्यु फिल्म पनि हुनेछ । निर्माण टिमको दाबीअनुसार फिल्ममा दयाहाङ राई, वर्षा शिवाकोटी, प्रशान्त ताम्राकार, क्याप्टेन विजय लामा, रुपा पुन, मा‌ओत्से गुरुङ, कविता आले लगायतका कलाकारको समेत अभिनय रहनेछ ।

साथै फिल्मको लण्डनबाट सार्वजनिक बसहरूमा पोस्टर टाँसेर प्रचार समेत थालिएको निर्माण टिमले जनाएको छ । फिल्म सन् २०२१ बाट प्रदर्शनमा आउनेछ ।

लण्डन सिने आइ प्रोडक्सनले निर्माण गर्ने यो फिल्ममा गोर्खालीहरू सेनाहरूको कथा रहनेछ । गोर्खाली सेनाहरू विश्वभर नै निडर सेनाका रुपमा चिनिँदै आएका छन् ।