काठमाडौं – सत्तारुढ नेपाल कम्युनिस्ट पार्टी (नेकपा)का स्थायी कमिटी सदस्य तथा पूर्व मन्त्री गोकुल बाँस्कोटाले पार्टी एकता लेनदेनमा अडेको बताएका छन्।

सामाजिक सञ्जाल ट्विटरमार्फत नेता बाँस्कोटाले लेनदेन र स्वार्थमा पार्टी एकता अडेको बताएका हुन्।

सिद्धान्त र सङ्गठनात्मक प्रणाली सहितको संकट उत्पन्न नभएकाले अर्को सम्झौतापछि समस्या समाधान हुने उनको तर्क छ ।

‘सिद्धान्त र सङ्गठनात्मक प्रणाली सहितको सङ्कट उत्पन्न भएको भए पो सङ्कट मान्नु’, उनले भनेका छन्, ‘लेनदेनको ब्यापारिक स्वार्थमा अडेको एकता अर्को सम्झौतापछि समाधान भइहाल्छ नि! बेकारको हल्ला।’

यस्तो छ उनको ट्वीट

सिद्धान्त र संगठनात्मक प्रणाली सहितकाे सङकट उत्पन्न भएकाे भए पाे सङ्कट मान्नु लेनदेनकाे ब्यापारीक स्वार्थमा अडेकाे एकता अर्काे सम्झाैता पछि समाधान भैहाल्छ नि।वेकारकाे हल्ला।

— Gokul Prasad Baskota (@GokulPBaskota) November 1, 2020

राजदूत नियुक्ति, मन्त्री हेरफेर र कर्णाली प्रदेशका मुख्यमन्त्री महेन्द्रबहादुर शाहीविरुद्ध अविश्वासको प्रस्तावसहित लाई लिएर नेकपा विवाद पार्टी विभाजनको सँघारसम्म पुगिसकेको छ।

महिनौंसम्म चलेको नेकपाको आन्तरिक किचलो भदौ २६ को स्थायी कमिटीको बैठकपछि साम्य भएको महिना दिन काट्न नपाउँदै नेकपाभित्रको विवाद पुनः उत्कर्षमा पुगेको हो।