काठमाडौं- सरकारले चीनका लागि नेपाली राजदूत लीलामणि पौडेललाई फिर्ता बोलाउने निर्णय गरेको छ ।

आइतबार बसेको मन्त्रिपरिषद् बैठकले राजदूत पौडेललाई १५ दिन भित्र फिर्ता बोलाउने निर्णय गरेको स्रोतले जानकारी दिएको हो ।

‘प्रधानमन्त्री निवास बालुवाटारमा आइतबार बसेको बैठकले राजदूत पौडेललाई नेपाल फर्किन १५ दिनको म्याद दिएको हो’ , स्रोतले खबरहबसँग भन्यो ।

चीनमा कोरोना भाइरसको प्रकोप फैलिरहेको हुँदा राजदूतलाई फिर्ता बोलाइएको भनिए पनि  फिर्ता बोलाउनुको खास कारण खुलाइएको छैन ।

पूर्व मुख्यसचिव पौडेललाई २०७३ कात्तिकमा चीनका लागि नेपाली राजदूत नियुक्त गरेको थियो ।

यसैबीच नयाँ राजदूतमा पूर्वपरराष्ट्रमन्त्री महेन्द्रबहादुर पाण्डे सिफारिस गरेको स्रोतले जानकारी दिएको छ ।