काठमाडौं – कलेज अफ जर्नालिज्म एण्ड मास कम्युनिकेसनको आयोजनामा नेपाल अमेरिका फिल्म फेस्टिभल हुने भएको छ । नेपाल र अफ्रिकाको फिल्म सस्ंकृति आदानप्रदान गर्ने उद्देश्यले फेस्टिभलको आयोजना गर्न लागिएको हो ।

कार्तिकको तेस्रो साता हुने महोत्सवको सातौं संस्करण ३ दिनसम्म चल्ने आयोजकले जनाएको छ । ‘नेपाल अफ्रिका फिल्म महोत्सव २०१९’ आउँदो कार्तिक १६ गतेदेखि १८ गतेसम्म महोत्सव गरिनेछ । महोत्सव राजधानीको जमलस्थित राष्ट्रिय नाचघरमा हुनेछ ।

कलेज अफ जर्नालिज्म एण्ड मास कम्युनिकेसनकी अध्यक्ष मञ्जु मिश्रका अनुसार महोत्सवका लागि फिल्म चयन प्रक्रिया सकिएको छ । स्वदेशी र अफ्रिकी फिल्म प्रदर्शन गरिने दक्षिण एसियाको पहिलो फिल्म भएको आयोजकको दावी छ ।

महोत्सवमा यसपटक नेपाली र अफ्रिकन गरी २५ फिल्म प्रदर्शन गरिनेछ । तीमध्ये केही फिचर फिल्म हुनेछन् भने केही वृत्तचित्र, लघु फिल्म र कार्टुन फिल्म रहनेछन् ।