काठमाडौं – गायक सोनाहाङ राईको आवाजमा रहेको गीत ‘किन किन’ सार्वजनिक गरिएको छ । उक्त गीतलाई युट्युबमार्फत सार्वजनिक गरिएको हो ।
गीतमा पुरुषोत्तम न्यौपानेको संगीत र गोविन्द हुमागाईंका शब्द छन् ।
यस्तै गीतको भिडियोमा शान थापाको निर्देशन छ भने दीपक आचार्य, सुनिता श्रेष्ठ, सिर्जना जिसी र दिप्सन लुइटेलको अभिनय देख्न सकिन्छ । बालकलाकार सर्वज्ञ काफ्ले र उज्ज्वल शाक्यले पनि भिडियोमा अभिनय गरेका छन् ।
अर्जुन तिवारीको छायांकन, सुप्रिम पराजुलीको सम्पादन रहेको भिडियोमा राजिव समरले सहायक निर्देशकको भूमिका निभाएका छन् ।
भिडियोमा छोराले आफ्नी श्रीमतीको कुरा सुनेर बा–आमालाई वृद्धाश्रम पठाएको घटनालाई कथानक बनाइएको छ ।
प्रतिक्रिया