काठमाडौं– विश्व हेपाटाइटिस दिवसको अवसर पारेर नेपाल चेम्बर अफ कमर्सले एसआरएल डाइग्नोसिस प्रा.लि.को सहयोगमा रक्त परीक्षण शिविर सञ्चालन गरेको छ ।

मंगलबारदेखि शुरु गरिएको रक्त परीक्षण बुधबारसम्म चल्नेछ । रक्त परीक्षण शिविरमा एचबिएसएजी (HBsAg-Rapid Screen Text) , थाइराइड प्रोफाइल टेष्ट (Thyroid Profile Test(T3,T4,Ts) ) र सुगर (Sugar Random) को परीक्षण सम्बन्धित बिज्ञ डाक्टर एंव प्राविधिकबाट गराइने छ ।

मंगलबार पहिलो दिन चेम्बरका पदाधिकारी, कर्मचारी, वस्तुगत एंव अन्य आबद्ध संघका पदाधिकारी एंव सदस्यहरु, उद्योगी व्यवशायी एंव सचिवालयका कर्मचारीहरु र जमल, कान्तिपथ तथा ठमेलका सर्वसाधारणको समेत उपस्थितिमा रक्तपरीक्षण गरिएको थियो ।

बुधबार अपरान्ह १ बजेदेखि साढे ५ बजेसम्म रक्त परिक्षण कार्यक्रम रहेको छ । सो कार्यक्रमको आयोजना चेम्बर अफ कमर्स तथा शिक्षा तथा खेलकुद समितीको सहकार्यमा गरिने छ ।

रक्त परीक्षण कार्यक्रममाा समितिका सभापती दिपक काजी तुलाधरले विगत केही वर्षदेखि नै चेम्रले यस किसिमका सचेतनामूलक कार्यक्रम गरीएको जनाए ।