एजेनसी– रिलायन्स इन्डस्ट्रीजका मालिक तथा एसियाकै धनी मुकेश अम्बानी पैसा, गाडी तथा विभिन्न विलासीका सामानका कारण सधैँ चर्चामा रहन्छन् ।

अम्बानी घर र सम्पत्तीको कारण मात्र होइन उनको पूरै जीवनको बारेमा नै मानिसहरुमा चासो रहने गर्छ । भने उनको सम्पूर्ण परिवार पनि यसमा सामेल हुने गर्छन् ।

गएको वर्ष विवाह बन्धनमा बाधिँएका उनका छोरा आकाश अम्बानी र उनकी श्रीमतीको विषयमा पनि निकै लामो समयदेखि चर्चा–परिचर्चा चलेको थियो । मिडिया रिपोर्टका अनुसार मुकेश अम्बानीले आफ्नी बुहारीलाई अनौठो उपहार दिएका थिए ।

मुकेश अम्बानीले बुहारीको लागि दुबईबाट किनेर ल्याएको सुनको कार उपहार दिएका थिए । कार सिधै दुबईबाट भारत ल्याइएको थियो । मुकेश अम्बानी पनि कारका सौखिन मानिन्छन् । उनीसँग १७० भन्दा बढी कारको विशाल संग्रह नै छ । दुबईमा सुनको कार बन्नु र बनाउनु कुनै नौलो कुरा भने होइन ।

दुबईका शेख पनि सुनको कारमा नै शयर गर्ने गर्छन् । भारतीय सञ्चार माध्यमका अनुसार मुकेश अम्बानीले विशेष रुपमामा उक्त कारलाई बिहेमा आफ्नी बुहारी श्लोकलाई दिएका थिए । कारको मुल्य ४१० मिलियन परेको बताइन्छ ।