गौतमबुद्धका उपदेश यतिबेला संसारभर प्रेरणाका स्रोत छन् । हुन पनि सांसारिक मोह त्याग गरेर बुद्धत्व प्राप्त गरेका बुद्धलाई भगवान नै मानिन्छ । बुद्धका ति वाणी सबैका लागि जीवनउपयोगी हुनेछन् । शान्तिका दूत बुद्धका उपयोगी वाणी यस्ता छन्:

एउटा गाग्री थोपा थोपा पानीले नै भरिने हो ।

हाम्रो बाटो आकाशतर्फ होइन आफ्नै हृदयतर्फ हुनुपर्दछ ।

तपाईं पढेको वा सुनेको कुरामा तब सम्म विश्वस नगर्नुस् जब सम्म आफ्नै तर्क र विवेकले स्वीकार गर्नुहुन्न

जिब्रो एउटा त्यस्तो चक्कु हो जसले खुन ननिकाली कान काट्न सक्छ ।

बितेको समय र आउने समयको चिन्ता नगर, वर्तमान क्षणमाथि नै मनलाई एकाग्र गर ।

तपाईंले यदी आफैंलाई सच्चा प्रेम गर्नुहुन्छ भने अरूलाई कहिल्यै पीडा दिन सक्नुहुन्न ।

हामी जे सोच्दछौ उही बन्दछौं ।

हजारौ युद्धहरू जित्नुभन्दा महत्वपूर्ण कुरा हो, आफैलाई चिन्नु हो । यही नै तिम्रो विजय हो ।

उद्यमीका लागि प्रत्येक दिन भाग्योदय हुन्छ ।

त्यही व्यक्ति धार्मिक हो जसले अर्काको निम्ति त्याग गर्न सक्छ ।

लगनबाट ज्ञान प्राप्त हुन्छ, लगनको अभावमा ज्ञान हराउँछ ।

शान्ति तपाईं आफै भित्र हुन्छ, त्यसैले बाहिर खोज्ने प्रयास नगर्नुस ।

हामी आफ्नो रिसका लागि होइन रिसद्वार दण्डित हुन्छौँ ।