अमेरिकाको सैनिक कारबाहीमा मारिएका आतंकवादी संगठन इस्लामिक स्टेट (आईएस)का प्रमुख अबु बकर अल बग्दादीको उत्तराधीकारीका रुपमा अब्दुल्लाह कार्दशले जिम्मेवारी सम्हालेका छन् ।

अन्तर्राष्ट्रिय सञ्चारमाध्यमका अनुसार बग्दादी मारिएपछि कार्दशले आईएसको नयाँ प्रमुखको जिम्मेवारी सम्हालेका हुन् ।

आईएसका नयाँ प्रमुख बनेका कार्दश कुनै बेला इराकका पूर्व राष्ट्रपति सद्दाम हुसेनका सैनिक थिए ।

अमेरिकी रक्षा स्रोतका अनुसार कार्दशले पहिलेदेखि नै आईएसका धेरै मामिलाको नेतृत्व गरेका थिए ।

मारिएका बग्दादी पनि आफैं भने कारबाहीमा सहभागी हुँदैन थिए । उनी कारबाहीका लागि अन्तिम अनुमति मात्रै दिने गर्थे ।

समाचारहरुका अनुसार बग्दादीले नयाँ युवाहरुलाई जिहादी बनाउनका लागि ‘ब्रेन वास’ गर्ने काम गर्दथे ।

यसको विपरित आईएसका नयाँ प्रमुख कार्दश चाहिँ धेरै पटक आफैं कारबाहीमा सहभागी भइसकेका छन् ।