अस्ट्रेलियाको मेलवर्न पार्कमा रहेको एउटा तालको रंग परिवर्तन भएको छ । तालको रंग परिवर्तन भएर आफैं गुलाबी रंगको भएपछि तालमा फोटो खिच्ने पर्यटकहरुको घुँइचो लागेको बीबीसीले जनाएको छ ।
मेलवर्नको वेस्टगेटमा रहेको यो ताल मानवनिर्मत ताल हो र हालै गुलाबी रंगमा परिवर्तन भएको छ । चर्को घाम, कम वर्षा र बढ्दो तापक्रमका कारण पानीको रंग गुलाबी भएको बताइएको छ ।
यस्तो अवस्थामा तालमा रहेका लेउले बेटो कारोटेन भनिने रातो रंग उत्पादन गर्छन् ।
यो तालमा आउने पर्यटकले तालको रंगलाई पृष्ठभूमिमा राख्दा राम्रो देखिने गरि लुगाको रंग छान्छन् र फोटो खिँचाउँछन् ।
सामाजिक सञ्जालमा मानिसहरुले तालबाट कुहिएको अण्डाको जस्तो गन्ध आउने बताएका छन् ।
तालको गुलाबी रंग मौसम चिसो नभएसम्म कायम रहन्छ ।
अस्ट्रेलिया, स्पेन, क्यानडा र सेनेगलका अन्य तालहरुमा पनि पानी गुलाबी हुने गर्दछ ।
प्रतिक्रिया