काठमाडौं– प्रधानमन्त्री केपी शर्मा ओलीले गत साउन महिनामा सवै मन्त्रालयसँग काम गर्ने विषयमा कार्यसम्पादनमा सम्झौता गरेका थिए । पछिल्लो ४ महिनामा भित्र कार्यसम्पादन अनुसार भएका कामको विवरण सावजानिक भएको छ ।

आर्थिक वर्षको पहिलो चार महिनामा कुनै पनि मन्त्रालय र निकायले आफैंले निर्धारण गरेको लक्ष्यसमेत प्राप्त गर्न सकेनन् । श्रम मन्त्रालयले यो ४ महिनामा प्रधानमन्त्री कार्यलयसँग सम्झौता गरेरअनुसार ७० प्रतिशत काम गरेको विवरणमा जनाइएको छ ।

श्रम मन्त्रालयको २८.प्रतिशत काम हुने चरणमा रहेको विवरणमा छ । भने १.५ प्रतिशत काम हुन बाँकी रहेको विवरणमा उल्लेख छ ।

श्रम मन्त्रालयले १ सय ६५ वटा कामका लागि कार्यसम्पादन गरेको थियो । जसमा ७०.५ प्रतिशत काम सम्पन्न गरेको छ । यो अवधिमा कुल बजेटको ५.७ प्रतिशत रकम सकिएको छ ।

श्रम मन्त्रालयको ८५ प्रतिशत बजेट प्रधानमन्त्री रोजगार कार्यक्रममा गत आर्थिक वर्षदेखि खर्च हुँदै आएको छ । पहिलो चौमासिकमा कार्यक्रमका लागि योजना र प्रस्ताव माग गर्ने मात्र काम भएको विवरणमा उल्लेख छ ।

आगामी पौष एक गतदेखि कार्यक्रममा खर्च हुने श्रम मन्त्रालयले जनाएको । श्रम मन्त्रालयको नेतृत्व कात्तिक मसान्तसम्म गोकर्ण विष्टले गरेका थिए ।