काठमाडौं- हेलिकोप्टर दुर्घटनामा परी ज्यान गुमाएका पर्यटनमन्त्री रवीन्द्र अधिकारीसहितको सातै जनाको शव त्रिवि शिक्षण अस्पताल पुर्‍याइएको छ ।

पोस्टमार्टमका लागि शव अस्पताल लगिएको हो । ताप्लेजुङबाट त्रिभुवन विमानस्थलमा ल्याइएका शव सोझै त्रिवि शिक्षण अस्पताल लैजाने भनिएपछि मृतकका आफन्त अस्पताल नै पुगेका थिए ।

अस्पताल परिसरमा मृतकको शव पुर्‍याएपछि त्यहाँ आफन्तको रुवाबासी शुरु भएको छ । अस्पतालमा नेकपाका नेता कार्यकर्ताको पनि बाक्लो उपस्थिति रहेको छ ।

दुर्घटनामा मृत्यु भएका मध्मे मन्त्री अधिकारी मन्त्रीका सुरक्षा गार्ड अर्जुन घिमिरेको मात्र शव पहचान गर्न सकिने अवस्थामा रहेको छ । अन्य ५ जनाको शव परीक्षण पछि आफन्तलाई जिम्मा लगाइने छ ।

शव काठमाडौंमा  भिडियो