काठमाडौं – अनुपविक्रम शाही अभिनित फिल्म ‘पासवर्ड’ को फस्ट लूक सार्वजनिक गरिएको छ । निर्माण टिमले सार्वजनिक गरेको पोस्टरमा अनुपविक्रम शाहीलाई हाइलाइट गरिएको छ । यस्तै पोस्टरमा अर्का अभिनेता विक्रम जोशी पनि अटाएका छन् ।

यो फिल्ममा अनुपविक्रम शाहीलाई खलनायकका रुपमा देखिनेछन् । चलचित्र ‘कृ’ मा खलपात्रको भूमिकामा देखिँदा उनको चर्चा भएको थियो ।

भदौ २७ गतेदेखि प्रदर्शनमा आउने फिल्ममा बलिउड अभिनेत्री सनी लियोनीलाई पनि देख्न सकिनेछ । फिल्मको एक गीतमा सनी लियोनीले आइटम डान्स गरेकी छिन् ।

सम्राट बस्नेतको निर्देशनमा तयार भएको यो फिल्ममा विक्रम र अनुपका अलावा बुद्धि तामाङ, छुल्ठिम गुरुङ, विक्रान्त बस्नेत, रविन्द्र झा, प्रविण खतिवडा लगायतका कलाकारले समेत अभिनय गरेका छन् ।