काठमाडौं– सरकारले अगाडि सारको ‘एक नेपाली एक फलफूलको विरुवा रोपण’ अभियानलाई सफल बनाउन नेपाली सेनाले पनि आफ्नो अभियान शुरु गरेको छ ।

सेनाले पनि ‘एक जवान एक विरुवा रोपण अभियान’ शुरु गरेको हो । प्रधानसेनापति (महारथी) पूर्णचन्द्र थापाले शुक्रबार सैनिक मुख्यालय जंगी अड्डाको हाता भित्र विभिन्न जातका फलफूलका विरुवा रोपेर अभियानको शुरुवात गरेका हुन् ।

सेनाले स्थानीय जनप्रतिनिधि तथा जनसमुदायसँगको सहकार्यमा फलफूलका विरुवा रोप्ने अभियानलाई सफल बनाउने जनाएको छ ।

यसका लागि सबै पृतना, बाहिनी, गण र गुल्मका बाहिर भित्री हातामा गरी १ लाख ५० हजार ९ सय ७७ ओटा विभिन्न जातका (हावापानी सुहाउने) फलफूलका विरुवा रोपिने नेपाली सेनाको जनसम्पर्क तथा सूचना निर्देशनालयले जानकारी दिएको छ ।