मुम्बई – बलिउड अभिनेत्री श्रद्धा कपूर पछिल्लो समय अभिनेता ‘बाहुबली’का हिरो प्रभासको केमेष्ट्रीमा निर्माण भइरहेको फिल्म ‘साहो’ का कारण चर्चामा छिन् ।

बेलाबेला श्रद्धा आफ्नो व्यक्तिगत जीवनकाका कारण पनि चर्चामा रहने गर्छिन् ।

यी नायिकाले आफ्नो ब्लकबस्टर फिल्म ‘आशिकी २’ रिलिज भएको ६ वर्ष पूरा भएको अवसरमा इन्स्टाग्राममा आफ्नो नाम बदलेकी छिन् । उनले इन्स्टाग्राममा आफ्नो नाम फेरेर सोही फिल्मको पात्रको नाम ‘आरोही’ राखेकी छिन् ।

योसँगै श्रद्धाका फ्यानले उक्त फिल्म र श्रद्धाको चरित्रलाई पुनः स्मरण गरेका छन् । यो फिल्म श्रद्धाका लागि पनि विशेष फिल्म हो । फिल्ममा उनले आरोहीको भूमिका निभाएकी थिइन् ।

यो फिल्मले श्रद्धाको करिअरलाई पनि विशेष बल पुर्‍याएको थियो । जुन भूमिकालाई फ्यानले अझै पनि मिस गरिरहेका छन् ।

श्रद्धाले मात्र होइन, फ्यानले पनि ट्वीटरमा ‘आशिकी २’ रिलिजको ६ वर्ष पूरा गरेको अवसरमा ‘सिक्स एअर्स अफ आरोही’ ट्रेन्डिङ चलाएका छन् ।

श्रद्धाले हालै बाहुबली एक्टर प्रभाससँगको फिल्म ‘साहो’ को मुम्बईको शूटिङ सकेकी छिन् । उनी यतिबेला ‘स्ट्रिट डान्सर’ को लण्डन छायांकन पूरा गरेर बाँकी छायांकनको पर्खाइमा छिन् ।