काठमाडौं – चलचित्र ‘कुम्भ करण’ निर्माण टिमले फिल्मका दुई पोस्टर सार्वजनिक गरेको छ । लामो समयदेखि प्रोडक्सनमै अल्झिएको यो फिल्मले पोस्टर सार्वजनिक गर्दै नयाँ रिलिज मिति पनि तय गरेको हो ।
सार्वजनिक पोस्टरमा गौरव पहारी, अभय बराल, भोलाराज सापकोटा र निशा अधिकारीलाई देख्न सकिन्छ । निर्माण टिमले आउँदो जेठ १७ गते यो फिल्म रिलिज हुने बताएको छ ।
दीपक ओलीले निर्देशन गरेको यो फिल्ममा आकाश पल, कुलदीप अधिकारी, कमल गाउँले, सद्भाव थापा, प्रतिभा क्षेत्री लगायतका कलाकारको समेत अभिनय देख्न सकिनेछ ।
आकाश पल इन्टरटेनमेन्टको ब्यानरमा बनेको यो फिल्ममा चित्रबहादुर घर्ती मगर र क्षितिज बस्नेतको लगानी छ । चलचित्रलाई रोमान्टिक कमेडी भनिएको छ ।
प्रतिक्रिया