धरान– नेपाली सेनाले प्रयोग गर्ने एम–१६ राइफल र एलएमजी (लाईट मेसिन गन) सहित नेत्रबिक्रम चन्द (विप्लव) नेतृत्वको नेकपाका एकजना कार्यकर्ता पक्राउ परेका छन् ।
विशेष सूचनाका आधारमा चेकजाँच गर्ने क्रममा प्रहरीले एक थान एम–१६ र एलएमजीसहित मोरङको केराबारी गाउँपालिका–१० का ४२ वर्षीय देवकुमार लिम्बु (संगीत)लाई पक्राउ गरेको हो ।
लिम्बु विप्लव नेतृत्वको नेकपाका पूर्वी ब्यूरो सदस्य रहेको बुझिएको छ ।
प्रहरीले लिम्बुको साथबाट एम–१६ एक थान तथा त्यसमा प्रयोग हुने म्यागेजिन एक थान र एलएमजी १ थान तथा एलएमजीलाई माउन्ट गरेर प्रयोग गर्ने वाइपड १ थान बरामद गरेको हो ।
प्रतिक्रिया