काठमाडौं – भारतका चर्चित र्‍यापर इमिवे बन्ताईले आज काठमाडौंमा प्रस्तुति दिने भएका छन् । ठमेलस्थित क्लब फहरेनहाइटमा साँझ ८ बजेबाट उनले प्रस्तुति दिने आयोजकले जनाएको छ ।

अल्फा इन्टरटेन्मेन्ट एण्ड इभेन्ट्सको आयोजनामा हुने ‘इमिवे बन्ताई लाइभ इन नेपाल’ मा आफ्ना लोकप्रिय र्‍याप गीत गाउनेछन् ।

मध्यरातसम्म चल्नेछ कन्सर्टमा प्रस्तुति दिन बन्ताई बिहीबार साँझ नेपाल उत्रेका थिए । युवा पुस्तामाझ चर्चित र्‍यापर बन्ताई बलिउडमा ‘हिप हप र्‍यापर’का रुपमा परिचित छन् ।

भारतमा टप थ्री र्‍यापरको सुचीमा अग्र स्थानमा पर्ने बन्ताईका पछिल्ला र्‍याप गीत ‘मचाइङ्गे’, ‘ध्यान दे’, ‘गिरफ्तार’, ‘जम्प कर’, ‘खतम’ चर्चित छन् । उनिसँगै चर्चित नेपाली गायक नरेन लिम्बुको टिमले पनि प्रस्तुति दिने कार्यक्रम रहेको आयोजकले बताएको छ ।

साथमा र्‍यापर ट्रिक्स दोङसँगै डिजेहरु बिकी कुल, यश र श्यामले फहरेनहाइटमा उपस्थित हुने दर्शक झुमाउने आयोजकले जनाएको छ ।