काठमाडौं- वैदेशिक रोजगारीमा जाने कामदारलाई अभिमिुखिकरण तालिम दिदै आएका प्रदायक संस्थाको धरौटी रकम बृद्धि भएको छ ।

वैदेशिक रोजगार ऐन संशोधनमा हाल, १ लाख राखेर अभिमुखिकरण तालिम सञ्चालन गदै आएका संस्थाको धरौटी रकम बृद्धि भएर ५ लाख पुगेको छ । यी सस्थाले धरौटी रकम भर्दौ मसान्तभित्र राख्नुपर्ने वैदेशिक रोजगार विभागले जनाएको छ ।

तालिम प्रदान गर्ने संस्थाको लाइसेन्स दस्तुर एक लाख रुपैयाँबाट बढाएर ५ लाख भएसँगै वार्षिक नवीकरण दस्तुर ५ हजारबाट दोब्बर बृद्धि भएर १० हजा पुगेको छ ।

म्यानपावर कम्पनीजस्तै अभिमुखीकरण संस्था पनि एक घरको एउटा मात्र सञ्चालन गर्न पाइने छ । अब सरकारले नयाँ संरचनाको मापदण्ड बनाएकाले साही अनुसारको पुवाधारसहितको हल पनि बनाउनुपर्ने भएको छ । हाल अभिमुखिकरण दिने संख्या १ सय ६९ वटा भन्दा धेरै छन् ।