काठमाडौं – चलचित्र ‘सानो मन’ को को प्रदर्शन मितिमा हेरफेर भएको छ । असार २० गते प्रदर्शन हुने भनिएको यो फिल्मको प्राविधिक रुपमा थप समय लाग्ने भएपछि रिलिज मिति एक हप्ता पर सारिएको निर्माण टिमले जनाएको छ ।

अब यो फिल्म असार २७ मा रिलिज हुनेछ ।

निर्माता राजेन्द्र मानन्धरका अनुसार फिल्मलाई हतारमा रिलिज गर्नुभन्दा बरु एक हप्तापछि रिलिज गर्ने तर स्तरीय बनाएर रिलिज गर्ने बताए ।

लभस्टोरी यो फिल्मलाई सुयोग गुरुङले निर्देशन गरेका हुन् भने फिल्ममा आयुष्मान देशराज जोशी, शिल्पा मास्के, सक्षम सुवेदी, गौरी मल्ल, विशाल पहारी, रश्मी भट्ट लगायतका कलाकारको अभिनय छ ।

बैंकक, काठमाडौं र भैरहवामा छायांकन गरिएको यो फिल्मलाई योगेश गुरुङ, राजीव श्रेष्ठ, समेश के. मित्तल र राजेन्द्र मानन्धरले निर्माण गरेका हुन् । फिल्मले यसअघि सार्वजनिक गरेको ट्रेलरले राम्रो प्रतिक्रिया पाएको छ ।