काठमाडौं– गलबन्दी बोलको गीतले प्रकाश सपुतलाई जति वाहवाही दिलायो त्यति नै गलाएको छ । लय चोरीको विवाद किनारा लागे पनि उनी अझै भावुक छन् । उनले लेखेको स्टाटसले त्यस्तै दर्शाउँछ।

उनले फेसबुकमा लेखेका छन्– असार ११ म जगै देखि भत्किएको दिन, म फेरि उठ्ने छु मलाइ अलिकति समय दिनुस् ।’
उनले लेखेको स्टाटसमा धेरैले साहानुभूति प्रकट गरेका छन् ।

गलबन्दी गीतको विवाद साम्य भए पनि सामाजिक सञ्जालमा भने क्रिया-प्रतिक्रिया रोकिएका छैनन् । गीतको विवादलाई जातियतासँग जोडिएको छ । गायक–गायिकाहरु मात्र नभएर समर्थकहरुले समेत विभिन्न आरोप-प्रत्यारोप लगाइरहेका छन् ।

प्रकाश सपुतले लेखेको स्टाटस जस्ताको तस्तै

सहमति अनुसार प्रकशले गीतमा शम्भुको नाम राखिसकेका छन् । क्रियसनमा राइ र रिक्रियसनमा आफ्नो नाम राखेको छन । सांगीतिक क्षेत्रका विभिन्न संघसंस्थाको समन्वयमा बुधवार दुई पक्षबीच सहमति भएको हो । गलबन्दीले प्राप्त गर्ने आर्थिक लाभ र रोयल्टीमा भने शम्भु राईको हकदाबी नहुने समेत सहमतिमा उल्लेख छ ।