हेटौंडा– हेटौंमा एक मिनी ट्रकमा आगजनी गरिएको छ । त्रिभुवन राजपथ अन्तर्गत हेटौंडाको चौकिटोलमा ना ७ ख ९४९३ नम्बरको ट्रकमा आगजनी भएको हो । आगजनीका कारण ट्रक पूर्ण रुपमा क्षतिग्रस्त भएको छ ।

ट्रक आगजनीमा विप्लव समूहको संलग्नता भएको हुनसक्ने अनुमान प्रहरीले गरेको छ ।

सोमबार(आज) विप्लव समूहले नेपाल बन्दको आह्वान गरेको छ, जसको प्रभाव देश भर परेको छ ।

देशका विभिन्न स्थानमा बम फेला परेका छन् । यसै बीच र्घाखाँचीको सन्धिखर्कमा रहेको अर्घाखाँची आवासीय माध्यामिक विद्यालयमा शंकास्पद बस्तु फेला परेको छ ।

सन्धिखर्क २ चुत्राबेसीको बेलबाटीकामा रहेको उक्त विद्यालयमा बाहिर तारबार गरिएको पिल्लरमा बाँधिएको अवस्थामा शंकास्पद बस्तु फेला परेको हो ।

बम डिस्पोटका लागि नेपाली सेना त्यसतर्फ गएको छ ।