पोखरा – भोलि फागुन १५ गतेदेखि पोखरामा शुरु हुन गइरहेको ‘पोखरा अन्तर्राष्ट्रिय नाटक महोत्सव’ मा ८ वटा नाटक प्रदर्शन हुँदैछन् ।

तीमध्ये नाटक ‘ब्ल्याक एण्ड ह्वाइट’ भारतबाट सहभागिता जनाउँदैछ भने मेसेडोनियाली कलाकारको नाटक ‘प्राइभेट कन्फेन्सन’ पनि मञ्चन हुनेछ ।

पोखराको गैह्रापाटनस्थित गन्धर्व नाटकघरमा हुने नाटक महोत्सवका लागि सबै तयारी पूरा भएको निर्देशक परिवर्तनले जानकारी दिए । महोत्सव पोखरा थिएटर र युथ क्रियशन थिएटरको संयोजनमा गर्न लागिएको हो ।

फागुन २२ गतेसम्म चल्ने महोत्सवमा नाटक मञ्चनसँगै फोटो प्रदर्शनी, अन्तर्किया, सांस्कृतिक झाँकीहरु समेत प्रस्तुत गरिनेछन् ।

भोलि (बुधवार) बिहान १० बजेदेखि ११ बजेसम्म सांस्कृतिक झाँकीसहितको –याली र त्यसपछि लगत्तै समुद्घाटन गरिने कार्यक्रम छ ।

महोत्सवमा नाटक हेर्नका लागि एक हजार रुपैयाँको एउटा टिकट काटी सदस्य हुनुपर्नेछ । त्यसपछि आठै दिनसम्म सोही कार्डले नाटक हेर्न पाउने आयोजकले जनाएको छ ।

यस्तो छ सेडुअल:

सबै तस्वीर: पोखरा थिएटरको फेसबूक पेजबाट