काठमाडौं – भदौ ६ गतेबाट प्रदर्शन हुने फिल्म ‘जाइरा’ को आइटम गीत सार्वजनिक गरिएको छ । शुक्रबार यो गीत युट्युबमार्फत सार्वजनिक गरिएको हो ।

‘यो मात चढेको साँझ’ बोलको गीतमा मीना निरौलाको स्वर सुन्न सकिन्छ भने वरिष्ठ गीतकार किरण खरेलका शब्द छन् । यस्तै गीतमा शिव शंकरको संगीत रहेको छ । ।

यो गीत पुरानो फिल्म ‘मनको बाँध’मा समावेश गीतको रिमेक हो । ओर्जिनल गीतमा मीरा राणाको स्वर सुन्न सकिन्छ ।

शाही नेपाल चलचित्र संस्थानद्वारा निर्मित तथा प्रकाश थापा निर्देशित ‘मनको बाँध’ सन् १९७४ मा रिलीज भएको फिल्म हो । रिमेक भर्सनमा तनुजा गुरुङ्गले दमदार नृत्य गरेकी छन् ।

नायिका नम्रता श्रेष्ठ मिक्स मार्शल आर्ट खेलाडीको भूमिकामा देखिएको फिल्म ‘जाइरा’ आशुतोष राज श्रेष्ठले निर्देशन गरेका हुन् ।

फिल्ममा अनुपविक्रम शाही, प्रमोद अग्रहरी, रेमन दास श्रेष्ठसहित नव–कलाकारहरु श्रृजना रेग्मी, सुजता श्रेष्ठ र सम्राट मगरले समेत मुख्य भूमिका रहेको छ ।