काठमाडौं – विकास राज आचार्य निर्देशित फिल्म ‘हजार जुनीसम्म’ को ट्रेलर सार्वजनिक गरिएको छ । लभस्टोरी जानरामा निर्माण भएको फिल्मको ट्रेलर राजधानीमा एक कार्यक्रमको आयोजना गर्दै सार्वजनिक गरियो ।

फिल्मको ट्रेलर युट्युबमार्फत पनि सार्वजनिक गरिएको छ । युट्युबमा फ्यानले फिल्मको प्रतीक्षा गरेको प्रतिक्रिया दिएका छन् ।

ट्रेलरमा एक पागलप्रेमीको कथा देखाइएको छ । जो आफ्नो मायाको लागि पूरै जीवन बिताउन सक्छ । फिल्ममा आर्यन सिग्देललाई प्रेमीका रुपमा प्रस्तुत गरिएको छ ।

विशाल चाम्लिङको कथा रहेको यो फिल्ममा लगानी पनि उनकै छ । यस्तै फिल्ममा स्वस्तिमा खड्का, प्रियंका कार्की, सञ्चिता लुइँटेल, सलोन बस्नेत, शिवहरि पौडेल, अनुभव रेग्मी, अखिलेस प्रधान लगायतका कलाकारको अभिनय रहेको छ ।

फिल्ममा कोरियोग्राफी कविराज गहतराजको छ भने सम्पादन अर्जुन जिसीको रहेको छ । पुरुषोत्तम प्रधानले खिचेको यो फिल्मको स्किृप्ट/संवाद सामीप्यराज तिमिल्सिना र निर्देशक आचार्यले लेखेका हुन् । फिल्म यही साउन ३० गतेबाट देशभर प्रदर्शनमा आउँदैछ ।