ल्याटिन अमेरिकी मुलुक पेरुको उत्तरी क्षेत्रमा ८ म्याग्निच्युडको भूकम्प गएको छ ।

उत्तरी पेरुको लागुनास गाउँबाट ८० किलोमिटर दक्षिणपूर्वी क्षेत्रमा १ सय १० किलोमिटरको गहिराईलाई केन्द्रविन्दु बनाएर सबेरै २ बजेर ४१ मिनेटमा भूकम्प गएको अमेरिकी भौगर्भिक सर्भेले जनाएको छ । भूकम्पबाट भएको क्षतिको विवरण भने सार्वजनिक भएको छैन ।

यद्यपि केन्द्रविन्दु जमिनको सतहभन्दा धेरै गहिराईमा भएकाले भूकम्पले ठूलो क्षति पु¥याएकोमा भने आशंका रहेको जनाइएको छ ।

सामाजिक सञ्जाल प्रयोगकर्ताहरुले भने भूकम्पको तीब्र झट्का महसूस गरिएको जनाएका छन् ।

भूकम्प गएसँगै पेरुस्थित अमेजनको जंगलमा अविस्थत गाउँहरुमा विद्युत सेवा अवरुद्ध भएको जनाइएको छ । ‘प्रशान्त अग्नीचक्र’ भनिने क्षेत्रमा अवस्थित पेरुमा यस्ता भूकम्पहरु नियमित जाने गरेका छन् ।