काठमाडौं– भारतको पुनेमा विहीबारबाट शुरु भएको अन्तर्राष्ट्रि मोडेलहरुको प्रतियोगिता ‘द फेस अफ साउथ एसिया’मा नेपाली ९ मोडेलहरुले सहभागिता जनाएका छन् । प्रतियोगिता शनिबार समापन हुँदैछ ।

प्रतियोगितामा नेपाली सहभागीहरुले राष्ट्रिय झण्डासहित नेपाली कला र संस्कृति झल्किने मौलिक परम्परालाई प्रस्तुतिमा उतारिरहेका छन् ।

प्रतियोगितामा आशिष केसी, मसिष सुवेदी, पोषण शर्मा, शाश्वत शाही, राघव अग्रवाल, रुविष्का श्रेष्ठ, निर्मला न्यौपाने, थिन्ले ल्हामे र सुष्मिता थापाले सहभागीता जनाएका छन् ।

प्रतियोगितामा नेपाल, भारत, श्रीलंका र अरबिया लगायत एसियाली मुलुकका मोडलहरुबीच प्रतिस्पर्धा भइरहेको छ ।
विभिन्न देशबाट सहभागी मध्येबाट एकलाई राष्ट्रको नाम जोडेर ‘फेस अफ द एसिया’ घोषणा गरिने आयोजकले जानकारी दिएको छ ।

त्यस्तै, प्रतियोगिताबाट छानिएका उत्कृष्ट एक महिला र एक पुरुष मोडलले कोरियामा आयोजना हुने ‘एशिया मोडल फेष्टिभल’मा समेत सहभागीता जनाउन पाउनेछन् ।

नेपाली माडेलहरु बुधबार साँझ भारत प्रस्थान गरेका हुन् ।