काठमाडौं – फिल्म ‘माछा माछा’ को ट्रेलर सार्वजनिक भएको छ । शुक्रबार फिल्मको ट्रेलर युट्युबमार्फत सार्वजनिक गरिएको हो ।

सौगात मल्ल, नम्रता श्रेष्ठ, नम्रता श्रेष्ठ, विजय बराल, अनोज पाण्डे, माओत्से गुरुङ, प्रविण खतिवडा लगायतका कलाकारको अभिनय रहेको फिल्मको ट्रेलर कमेडी र सस्पेन्ससहितको छ ।

यो फिल्मलाई सुनील गुरुङले निर्देशन गरेका हुन् भने लेखन पनि निर्देशक गुरुङकै रहेको छ । रामबाबु गुरुङ र दयाहाङ राईले निर्माण गरेको फिल्मलाई निमेश श्रेष्ठले सम्पादन गरेका हुन् ।

यस्तै फिल्ममा अनुपम शर्माको संगीत, शिवराज श्रेष्ठको छायांकन तथा मनोज श्रेष्ठले भीएफएक्स गरेका हुन् ।

चलचित्र आउँदो कार्तिक २९ गतेदेखि नेपालभर प्रदर्शन हुँदैछ ।