काठमाडौं – लर्ड कोए दोस्रो कार्यकालका लागि अन्तर्राष्ट्रिय एथलेटिक्स महासंघ (आईएएएफ) को अध्यक्षमा चयन भएका छन् ।

बेलायती पूर्व ओलम्पियन खेलाडी कोए २०१५ मा पहिलो पटक आईएएएफको अध्यक्षमा निर्वाचित भएका थिए भने बुधबार उनी दोस्रो कार्यकालका लागि निर्वाचित भएका हुन् । कोएले ओलम्पिक खेलमा बेलायतलाई १५ सय मिटरको दौडमा स्वर्ण पदक दिलाएका थिए ।

सेप्टेम्बर २७ मा कतारको दोहामा विश्व एथलेटिक्स च्याम्पियनसिप शुरु हुँदैछ । प्रतियोगिता अगाडि कोए दोस्रो कार्यकालका लागि अध्यक्षमा चयन भएका हुन् ।

कोएको नयाँ कार्यसमितिमा कोलम्बियाकी जिमेना रेष्टेरिपो आईएएएफमा चयन हुने पहिलो महिला उपाध्यक्ष बनेकी छन् । रेष्टेरिपोले सन् १९९२ को ओलम्पिकमा कोलम्बियाका लागि ४ सय मिटर एथलेटिक्समा पदक दिलाएकी थिइन् ।