काठमाडौं– सरकारले कतारका लागि नेपाली राजदूत रमेश कोइरालालाई फिर्ता बोलाएको छ । विहीबार मन्त्रिपरिषद्ले गरेका निर्णय सार्वजनिक गर्दै सरकारका प्रवक्ता सूचना तथा सञ्चार प्रविधिमन्त्री गोकुलप्रसाद बाँस्कोटाले राजदूत कोइरालालाई फिर्ता बोलाउने निर्णय भएको जानकारी दिएका छन् ।

कतारमा रहेका नेपाली श्रमिकको हकहितमा काम नगरेको आरोप राजदूत कोइरालामाथि लाग्दै आएको थियो । सरकारले राजदूत कोइरालालाई आवश्यकता महशुस भएका कारण फिर्ता बोलाएको मन्त्री बाँस्कोटाले जानकारी गराए ।

हालसम्म कतारमा बसेर कुटनीतिक सहयोग गरेका राजदूत कोइरालालाई सरकारका तर्फबाट मन्त्री बाँस्कोटाले धन्यवाद समेत दिएका छन् । कोइरालालाई पुष्पकमल दाहाल प्रचण्ड नेतृत्वको सरकारले राजदूत बनाएर कतार पठाएको थियो ।